Kongress İcra komiteti toplaşuvı

29 Iyül 2017

Bugün, iyül 29 künü Kyivde Dünya Qırımtatar Kongressiniñ İcra komiteti öz işine başladı. Kongress Prezidenti ve Qırımtatar Milli Meclis reisi Refat Çubarovnıñ yolbaşçılığında keçirilgen toplaşuvda icra komitetniñ azaları ve Ukrayinanıñ çeşitli bölgelerinden ve ayrıca Türkiye, Romaniya, Kanada ile Orta Asiya memleketlerinden kelgen musafirler iştirak ettiler.

Toplaşuv esnasında kün tertibine kirsetilgen 10-dan ziyade mesele baqıldı. Bularnıñ arasında hususan Birinci Qurultaynıñ 100 yıllığını qayd etüvnen bağlı mevzu muzakere etildi. Ayrı diqqat Qırımda qırımtatar halqnıñ aqlarını qorçalav meselesine ve bu aqta milletni temsil etken organlarnıñ faaliyetine berildi.

(foto QHA)