Kommunist rejiminiñ sabıq mahbüsleri qırımtatar halqı uquqlarını qorçaladılar

18 Mayıs 2012

Qırımtatar halqınıñ aqları qorçalansın

Sabıq SSSRde sürgün etilgen halqlar dünya mahkemesinde nevbet bekleyler ve olarnıñ er biriniñ öz esabı bar. Kommunist rejimi tarafından ayaq astı etilgen aqiqatnı tiklemek oğrunda cesürane küreşkenini tanımaq kerek. Stalin cellâtlarınıñ Qırımğa nisbeten öz niyetleri bar edi. Topraqnıñ asıl saibi olar içün daima duşman olğan. Olar bu duşmannı cinaiy üslüpte yani apansızdan basıp öldürgen ve soñra izlerini silgenler.

90-ncı yıllarnıñ başında imperiya dağıldı ve dünya deñişti. Amma cinayette ortaq olğan kommunistlerniñ psihologiyası iç te deñişmedi. Em bu, nazizim ve kommunizm usulları qaralanğan bir vaqıtta qanunâratıcılıq organnıñ meclisler zalında yapıla. 2012 senesi mayıs 16-da Ukraina Yuqarı Şurasında “Milliy menüspligine köre sürgün etilgen qırımtatar halqı ve diger milliy toplumlarnıñ aqlarını ğayrıdan tiklev aqqında” qanun leyhası baqıldı.

İşniñ nasıl olğanı er keske belli. Stalinniñ cinayeti onıñ şegirtleri ve kommunist partiyasınıñ HH11 syezdi tarafından keskin qaralanğan edi. Em de 50-nci senelerniñ kommunistlerinde başqa türlü fikir yoq edi. Böyle baqqanda bugünki, közlerini yağ basqan ve ğayesiz-hayasız, kommunistler iftira qurbanı olğan halq aqqında aqiqatnı gizlegenleri alda pısıp oturmaq kerek ediler.

Amma kommunistlerniñ yetekçisi deputat Petro Simonenko atta stalinci kommunistlerden de alçaq olğanını ve yetekçi vazifesini qorqqanından eda etkenini kösterdi. Deputat Simonenko bütün bir halq üstüne iftira atmağa, onı sürgün etken cellâtlarnıñ delillerini tekrarlamağa azır. Kommunist deputat adaletsizlik qurbanlarına adaletke qarşı eken. Em de o, öz qabaatlavlarını arqadaşlarınen özara çay içkende degil de, parlament minberinden yüzsüzlerce seslendire. Mesülietli şahıslar – Prezident ve Ükümet başı buña indemeyler. Biz siyasiy munafıqnıñ namussız yalanına şaştıq.

Ya bütün medeniyetli dünya belki aynı şu sebepten ötrü tıpqı USSR Yuqarı Radasını ürmet etmegeni kibi Ukraina Yuqarı Şurasını da saymaydır? Ya, eger de minberden bankrot, yağmacılar ve ruşvetçiler çıqışta buluna bilgende daa kimni ürmet etmek mümkünki? Bütün bular kommunizm nazizimnen beraberlikte insanlıqqa qarşı cinayeti içün mahkeme etilmegeni içün mümkün oldı.

Daa ne zamanğace ukrain halqı onı alem ögünde mashara etken “vekillerini” baqacaq eken?

Komumnist rejiminiñ sabıq siyasiy mahbüçsleri:

İosif Zisels

Miroslav Marinoviç

Vasil Övsiyenko

Zorân Popadük

Yevgen Sverstük

Öles Şevçenko