Kögeyde sürgünlik qurbanlarınıñ hatırasına Memorial kompleks açıldı

17 Dekabr 2011

Qırımtatar halqınıñ tarihında facialı 18 mayıs arfesinde Qarasuvbazar rayonınıñ Kögey (Rusakovka) köyünde sürgünlik qurban-larınıñ hatırasına Memorial kompleks açıldı.

Tantanalı merasimde Milliy Meclis reisi M. Cemilev, V Qu-rultay Teftiş komissiyasınıñ reis vazifesini eda etken, Qarasuvbazar regional Meclisiniñ reisi M. Asaba, Qarasuvbazar rayon devlet me-müriyetiniñ birinci muavini N. Segaçov, Kögey köy şurasınıñ reisi V. Yuhnoviç, Kögey yerli Meclisniñ reisi S. Asanov ve Kögey köyüniñ cemaatçılığı iştirak etti.

Tedbirni Kögey köyüniñ imamı Abduraim ağa duanen açtı. Milliy Meclis reisi M. Cemilev tedbir iştirakçilerine muracaat eterek, Kögey köyünde memorial kompleksiniñ açıluvı qırımtatar halqınıñ tarihına büyük isse qoşıp, sürgünlik qurbanlarınıñ hatırası-na temenna etkenimizniñ delili olğanını qayd etti. M. Cemilev abi-deniñ yerleştirilmsine öz issesini qoşqan er bir insanğa teşek-kür bildirdi.

Abideniñ açıluv merasiminde Kögey köyünde dünyağa kelgen 93 yaşındaki Ediye Veliyeva (Midatova) iştirak etti. Köyden yaşlıqtan sür-gün olunğan Ediye apte doğğan köyüne kelip, sürgünlik qurbanları-nıñ, abidede adı yazılğan ömür arqardaşı Sadıq oğlu Medatnıñ hatırasını añdı.