Kıyivde “Qırım simfoniyası. Qaytarma” final kontserti olıp keçti

06 Sentâbr 2024

Kıyiv milliy akademik opereta teatrinde bestekâr Dilâver Osmanovnıñ reberliginen Milliy prezident orkestri tarafından çalınğan “Qırım simfoniyası. Qaytarma” Umumukrain cemaat-maarif hayriye turınıñ soñ kontserti olıp keçti. Bunı QIRIM.News mühbiri bildirdi.

Anda qırımtatar bestekârı Elvira Emirniñ simfonik eserleri ve Maksım Rılskıynıñ tercimesinde Poloniya klassigi Adam Mickieviçniñ “Qırım sonetleri” şiirleri seslendirildi. Sanatçı bu cıyıntıqnı Qırımdaki eki aylıq seyaatından soñ yazdı.

Leyhanıñ müellifi ve icracısı Oleksandr Rudkonıñ aytqanına köre, ğaye cenk başlanmazdan evel peyda oldı. Onıñ maqsadı, insanlarnı meraqlandırmaq edi, kontsertni diñlegen soñ olar Qırım tarihı ve medeniyetini daa teren ögrenmege qarar bersinler dep.

2022 senesi taqım qırımtatar medeniyeti festivalini teşkil etmege planlaştıra edi.

“Qırım simfoniyası. Qaytarma” leyhasınıñ müdiri ve muzıkalı reberi Dilâver Osmanov, ziyaretçilerniñ közlerinen oña nasıl yaqınlaşqanlarını añlattı. Onıñ aytqanına köre, bu turnıñ soñki kontserti. Amma, buña baqmadan, taqım leyhanı taqdim etmegen, amma köstermege istegeni şeerler qaldı. Olarnıñ arasında Bağçasaray.

Bundan da ğayrı, sanatkârlar “Qırım simfoniyası. Qaytarma” kontsertini çetelde, hususan, Litvaniya ve Poloniyada bermege isteyler.