Kıyiv mektep talebeleri Milliy bala kütüphanesinde «Qırımnıñ seslerini» eşittiler

16 Noyabr 2024

_{Foto: Ukraina balalar içün milliy kütüphanesi}

Halqara tolerantlıq künü munasebetinen Ukraina Milliy kütüphanesinde balalar içün “Qırım sesleri: qırımtatarlarnıñ tarihı, medeniyeti ve kimligi” adlı tedbir olıp keçti.

— Tedbirniñ formatı — kitaplar yerine kerçek insanlarnıñ öz ikâyelerini paylaşqanları “Canlı kütüphane”. Mektep talebeleri qırımtatar cemiyetiniñ meşur vekillerinen qonuşalar, olarnıñ medeniyeti ve tarihı aqqında, zemaneviy künniñ meseleleri aqqında ögrene bildiler, — dep teşkilâtçılar bildirdiler.

Tedbirniñ esas maqsadı — balalarnı qırımtatarlarnıñ zengin medeniy mirasınen tanış etmek ve bir-birini añlamaq ve ürmet etüv müitini yaratmaqtır.

Nariman Celâl, Qırımtatar Milliy Meclisiniñ reisiniñ muavini, semetdeşleriniñ tarihiy yolu, tanuv ve kimlik oğrunda küreşi aqqında tarif etti. O qayd etti ki, qırımtatarlarnıñ medeniyeti – onı zenginleştirgen Ukraina medeniy alanınıñ ayırılmaz bir parçasıdır.

Erfan Kudusov, Qırım etnologik ve siyasiy tedqiqatlar merkeziniñ reisi, qırımtatar halqınıñ ananeleri ve yaşayışı aqqında bilgilerinen paylaştı, öz qorantasınıñ sürgünligi, Qırım hanlığınıñ qurulması ve onıñ ananeleri aqqında añlattı.

Ukraina Prezidentiniñ Qırım Muhtar Cumhuriyetindeki Daimiy Temsilciliginiñ muavini Denıs Çıstikov qırımtatarlar ögünde turğan zemaneviy çağıruvlar ve Ukraina devleti olarnıñ aqları ve serbestligini nasıl qorçalağanı aqqında tarif etti.

— Körüşüvniñ maqsadı tek genç oquyıcılarnı qırımtatarlarnıñ yekâne medeniyetinen tanış etmek degil de, tolerantlıq, başqa medeniyetke sayğı ve memleketimizniñ çoqmilletliligini añlamaqnı inkişaf ettirmek edi,— dep Milliy kütüphane qayd etti.