Kıyiv mektebinde qırımtatar tilini ögrenüv leyhası başlatıldı

12 Noyabr 2024

Kıyivdeki Novopeçersk mektebinde “Ğolosni” (“Sozuqlar”) adlı leyha başlatıldı, onıñ maqsadı – qırımtatar tilini ögrenmek ve mektep talebeleri arasında populârlaştırmaqtır.

Ukraina prezidentiniñ Qırım Muhtar Cumhuriyetindeki temsilciliginiñ matbuat hızmeti bunı bildirdi.

Leyhağa beşinci sınıftan on birinci sınıfqa qadar talebeler qoşula bileler. İştirak bedava ve aftada eki kere qırımtatar tilinden offlayn derslerge qatılmağa imkân bere.

— Leyhanıñ timsaliy adı bar: başqa ariflerni birleştirgen ve sözlerni yaratqan sesler kibi, bu leyhanıñ maqsadı — qırımtatar tiliniñ ögrenilüvi ve saqlanuvı oğrunda insanlarnı birleştirmektir. “Ğolosni”, eşitilmek içün seslengen qırımtatar halqınıñ seslerini temsil ete bile. Bu metaforik olaraq leyhanıñ adalet içün küreşken ve rus stereotipleri ve narativlerine, işğalli rejimge qarşı çıqqanlarnıñ seslerini quvetleştirmek ıntıluvını aks ettire, – dep Temsilcilik qayd etti.