Jurnalist İrına Danılovıç TFHnıñ işkencelerini bildirdi

01 Dekabr 2022

Vaqtınca işğal etilgen Qırımdaki “makeme”niñ oturışı vaqtında aprel ayında tfhniñ işçileriniñ tutqanları jurnalist İrına Danılovıç bildirdi ki, ukrain mahsus hızmetlernen alâqası aqqında sorğuğa çektiler, urdılar ve boğdılar. Crimean process bu aqqında haber berdi.

Bildirildi ki, Kefe şeer makamesindeki oturış vaqtında kontrol kamerasından bir video seyir ettiler. Anda köründi ki, bir qaç kişi İrına Danılovıçqa beñzegen bir qadınnı zornen maşnağa mindireler. Bu kişilerden biri, adiseniñ şaatı olğan taksiniñ aydayıcısına bir şeadetname köstere ve o, cinayet yerinden çabikça kete.

Bunıñ içün makeme İrına Danilovıçnı sorğuğa çekti. O haber berdi ki, ne tutulğanı kün, ne de kelecek afta boyunca patlayıcı aletlerni saqlaması içün kimse oña sorular soramadı. O vaqıt ukrain mahsus hızmetlerinen alâqası aqqında soradılar. Aynı zamanda sorular sorağanda o ruhiy basım ve işkence çekti. Danılovıçnıñ sözlerine köre, onı urdılar ve boğdılar, uzun vaqıt devamında ayaqyolğa ketmege izin bermediler.

O qoştı ki, bütün bu vaqıt devamında Qırımdaki rusiye tfhniñ baş idaresiniñ binasınıñ sığınağında yaramay sanitar şartlarında tuta ediler. Bir afta soñ olar söz berdiler ki, o videoğa quvetçilerge qarşı iddiası olmağanını ve kerekli vesiqalarnı imzalaycağını aytsa, onı azat eterler.

Şu anda Danılovıç, rf cqniñ 222.1. maddesiniñ 1. qısmına mücibi patlayıcınen qanunsız areketlerde tömet ete.