Jenevada BMT İnsan aqları boyunca keñeşi milliy azlıqlarnıñ meseleleri boyunca forumnıñ beşinci sessiyası başlandı

27 November 2012

2012 senesi noyabr 27-de İsveçrede Jenevada BMT merkezinde BMT İnsan aqları boyunca keñeşi milliy azlıqlarnıñ meseleleri boyunca forumnıñ beşinci sessiyası açıldı. Forum BMT Baş kâtibi Pan Gi Munnıñ video muracaatınen başlandı.

Milliy azlıqlarnıñ meseleleri boyunca forumnıñ beşinci sessiyası “Milliy, diniy ve etnik azlıqlarğa mensüp şahıslar aqlarınıñ deklaratsiyasını amelge keçirüv: müsbet tecribe ve imkânlar” mevzusına bağışlana.

2012 senesi Birleşken Milletler Teşkilâtı “Milliy, diniy ve etnik azlıqlarğa mensüp şahıslar aqlarınıñ deklaratsiyası”nı qabul etkeniniñ yigirmi yıllığını qayd ete. Bu vaqia Deklaratsiyanıñ amelde qullanması ve ömürge keçirilmesiniñ çeşit yönelişlerini, devletlerdeki qanunlarğa, milliy azlıqlarnıñ aqlarını qorçalavğa tesirini muzakere etmek içün müim bir sebeptir.

Qırımtatar halqı Meclisini onıñ tışqı alâqalar bölügi müdiriniñ muavini Abduraman Egiz temsil ete.