Jamala ve MONATIK “Klıçu” yırınıñ beraberlik videoklipini taqdim ettiler

29 Noyabr 2024

Jamala ve MONATIK “Klıçu” (“Çağıram”) yırınıñ klipini taqdim etip, ilk iş birligi yaptılar.

— “Klıçu” videosı – bu duyğu, añlav ve yaqınlarıñızğa qol tutmağa azırlıq çağıruvıdır. Epimiz yaqınlarımıznıñ qoruyıcı melekleri ola bilemiz. Bazı vaqıtları tek söz, areketler ya da fikirlerinen beraber olmaq imkânı yeterlidir. Amma eñ esası — sözsiz olsa da, yardım içün qıçırğan sesni, eşitmege ögrenmektir. Çağıruvlarnı diñle, — dep yırcı Instagramda yazdı.