İsviçredeki Barışıq sammitiniñ neticeleri

17 Iyün 2024

İsviçreniñ Burgenştaqtaki Barışıq sammitinde 92 ülke ve 8 halqara teşkilâtnıñ vekilleri iştirak ettiler.

Eki künlik Sammitte ukrain “Barışıq formulasınıñ” on maddesinden tek üçü baqıldı, olar özek ve aşayt havfsızlığı, ukraina esirleri ve sürgün etilgenlerniñ azat etilüvinen bağlı edi. O, devlet liderleriniñ beyanatlarınen ve er kes imzalamadığı umumiy beyanatnen bitti.

Sammit neticelerinden soñ iştirakçilerniñ umumiy beyannamesinde, bu tedbir “Ukraina içün umumiy, adaletli ve devamlı barışıq yolları boyunca yüksek seviyede subetni quvetleştirmek” maqsadınen keçirilgeni qayd etildi. İştirakçiler daa üç ceetten umumiy fikirlerini qabul ettiler:

• özek telükesizligi;
• aşayt havfsızlığı;
• esir ve sürgün etilgenlerniñ azat etilmesi.

Umumen vesiqağa 80 ülke ve dört halqara teşkilât qol tuttı. Beyannameni Saudiy Arabistan, Bahreyn, Vatikan, Tailand, İndistan, İndoneziya, Meksika, Cenübiy Afrika Cumhuriyeti, Braziliya, Birleşken Arap Emirlikleri, Ermenistan, Libiya ve Sammitte iştirak etmegen Çin imzalamadı.