İşğalciler Qurultaynıñ vekili Lemmar Yunusovnıñ evini tinttiler

13 Mart 2023

Rus quvetçileri, demir yol patlağanı sebebinden Qurultaynıñ vekili Lemmar Yunusovnıñ evini tinttiler.

Facebookta “Qırım birdemligi” içtimaiy birleşmesi bu aqqında haber berdi.

Belli oldı ki, vaqtınca işğal etilgen Qırımda Aqmescit rayonındaki Urojayoe (Çoyunçı) köyünde Qurultaynıñ vekili Lemmar Yunusovnıñ evi tintildi.

Yunusovnıñ sözlerine köre, quvetçiler onı demiryolnıñ patlamasına dair sualler soradılar.

– Maqbul şeyler qıdıra ediler. Men şunı ayttım: tapacağıñız er şeyni özüñiz ketirdiñiz. Olar ise şunı ayttılar: “İsteseñiz, bizni tinte bilirsiñiz”. Bir saat içinde bitirdiler, pek çabik. İç kimseniñ kelmemesini istediler. Olar iç bir şey tapmadılar, – dep Yunnusov qayd etti.

Bildirildi ki, tintüv vaqtında iç kimseni tutmadılar. 

Meclisiniñ başı Refat Çubarovnıñ bildirmelerine köre, rus azapçıları içün mezkür demiryol qazası, qırımtatarlarnıñ evlerini kütleviy tarzda tintmek içün sebep oldı.