İşğalciler, Qırımdaki mektepçiler içün arbiy azırlıq derslerini alıp berecekler

11 Noyabr 2022

_{Foto: Qırım.Aqiqat}
Rusiyeniñ kontrol etkeni Qırımnıñ başı Serhiy Aksönov, qırım mekteplerinde ve ihtisaslı oquv müessiselerinde arbiy azırlıq kursını teşkil etüv yol-yoruğını tasdıqladı. Qırımnıñ işğal ükümetiniñ saytına atıf eterek Qırım.Aqiqat bu aqqında haber berdi.

Tasdıqlanğan yol-yoruqqa mücibi, 2023 senesi küz-yaz mevsiminde “arbiy qısımlar esasında toplavuşlar, oquv atışı, saf, bedeniy, arbiy-tibbiy azırlıq” keçirmege planlaştırıldı.

Beklenilir ki, endi bu sene Qırımdaki mekteplerde “Zirnıtsâ”, “Zirnıçka” ve “Orlâtko” formatlarındaki yarışlar keçirilir.