İşğalciler, Qırım köprü vastasınen ketken er kesni teşkereler

10 Mayıs 2023

rus teavuzcıları, vaqtınca işğal etilgen yarımadadan Qırımnı rusiyenen bağlağan köpür vastasınen ketken er kesni teşkereler.

“FreeДОМ”nıñ canlı yayınında Qırımtatar Milliy Meclisiniñ başı Refat Çubarov bunı añlattı, dep Ukrinform haber berdi.

– Men tüşünmeyim ki, şimdi rus işğal ordusınıñ askerleri içün Qırımdan ketmek qolaydır. Çünki Qırım tarafında Keriç köprüne kirişte qoşma blok noqtaları quruldı. Anda tek avtonaqliyat degil, vesiqalarnı da teşkereler. Qırımdan ketken er bir insannı teşkereler, tınç yaşağan sakinniñ, ya rus işğal ordusınıñ askeriniñ, ya da rusiyeniñ ceza organlarınıñ işçisiniñ olıp-olmağanına baqmadan, – dep Çubarov qayd etti.

Onıñ sözlerine köre, böylece işğalciler Qırımda kerginlik tutalar ve aynı zamanda yarımadanıñ toprağınıñ bir qapqan olğanını köstereler – andan iç kimse ketemez.

Çubarov qoştı ki, şimdi Qırımğa tecavuzcılar Zaporijjâ ve Herson vilâyetleriniñ vaqtınca işğal etilgen topraqlarınıñ tahliye etmege mecbur etken sakinlerinden hırsızlağanı mülkni ketireler.