İşğalciler, jurnalist İrına Danılovıçnıñ sağlığı aqqında haber bermege red ettiler

11 Mayıs 2023

rusiyeniñ cezalandırıcı federal hızmeti, maküm etilgen içtimaiy jurnalist İrına Danılovıçnıñ sağlıq vaziyeti aqqında malümat bermege red etti. Qırım.Aqiqat bunı yazdı.

Müessise, çoq senedir Qırımdaki siyasiy mabüslerni qorçalağan ekim ve içtimaiy faalci Olha Mazurovanıñ hitanına cevap berdi. Cevapqa mücibi, №3 tibbiy qısımda Danılovç tedaviylev ala. Bundan ğayrı, rusiye adliye nazirliginiñ tesbit etkeni yol-yoruqqa mücibi onıñ tedaviylevi keçirile.

Aynı zamanda müessise, “jurnalist Mazurovağa bu tür bilgilerni bermege razlıq bermedi” dep, Danılovıçnıñ sağlıq alı aqqında malümat bermege red ettiler.

rus makemesi, içtimaiy jurnalist İrına Danılovıçnı yedi senege maküm etti, TFH jurnalistni tibbiy inelernen patlayıcı aletni yapmaq ile qabaatladı.