İşğalciler, Herson vilâyetiniñ üç sakinini tutılar – uquq qorçalayıcılar

03 Fevral 2023

Cumaaqşamı künü kiçik (fevral) aynıñ 2-sinde Geniçesk rayonınıñ Boyove köyünde rus quvetçileri, eki ağa Batüh Vadım Mıkolayovıç (16.10.1978 doğdı) ve Batüh Fedor Mıkolayovıç (10.07.1975 doğdı) ve qomşusı Zarenskıy OLeh Mıkolayovıçnı tuttılar. 

Qırımtatar maaliy merkezi (QMM) bu aqqında haber berdi.

– Qırımtatar maaliy merkezi ögrendi ki, kiçik aynıñ 2-sinde Geniçesk rayonınıñ Boyove köyünde reyd keçirildi. 10 maşna keldi. Er kes nasıldır silâ qıdıra, evleni tinte, şahsiy eşyalarnı baqa ediler, bazılarnı urdılar, 3 kişini ise tuttıp belli olmağan yerge ketirdiler, – beyanatta yazıldı.

QMM añlattı ki, Batüh Vadım ve Fedornıñ aqrabaları olarnı tapmağa tırışa ediler, amma becermediler. İşğalcilerniñ insanlarnı sorağanları ve azaplağanları Geniçesk şeerindeki № 17 oqıv yurtunıñ mağazlarında yoq ediler. Belki de “Prıboy” bazasında bulunalar, amma anda da muayyen cevap bermediler.

Teşkilât, tutulğan adamlarnı işğal etilgen Qırımğa ketirdiler dep belledi.

QMM hatırlattı ki, qırım advokatlarınıñ bilgilerine köre, Aqmescitteki SİZOda Ukrainanıñ 50-100 vatanadaşı tutulır. Ukrainanıñ işğalden azat etilgen topraqlarında rus ordusı ya da mahsus hızmeti olarnı tutıp Qırımğa ketirdiler. Bütün bu tutulğan kişilernen bağlanmaq mümkün olmadı.