İşğalciler, faalci Rolan Osmanonıñ para cezasını lâğu etmege red ettiler

16 Iyün 2023

rusiyeniñ kontrol etkeni Qırım Yuqarı makemesi, resmiy şikâyetni baqıp, “kiçik yaramazlıq” davasında içtmaiy jurnalist Rolan Osmanovnıñ para cezasını lâğu etmege red etti. Qırım.Aqiqat bunı yazdı.

Keçenlerde aşağı seviyeli makeme oña 79 biñ rublelik para cezasını berdi.

– Rolan Osmanov qabaatını tanımadı ve oña qarşı kösterilgen areketlerni yapmaq niyetinde olmağanını añlattı, – dep uquqçı Nazim Şeyhmambetov bildirdi.

2023 senesi saban ayınıñ 15-inde TVH Osmanovnıñ evini tintken soñ Aşırıcılıqqa qarşılıq merkeziniñ işçileri, RFnıñ MQniñ “Kiçik yaramazlıq” 20.1. maddesiniñ üçünci qısmına mücibi protokol tizdiler. “E”Merkeziniñ operativcisi, politsiya kapitanı Sodirovnıñ versiyasına köre, davanıñ açılmasınıñ sebebi, Rolan Osmanovnıñ Facebooktaki Qırımda mobilizatsiya aqqında video tefisiri oldı.

Qırımtatar faalcisi tüşüne ki, onıñ areketleri qanunsız olmadı, davasını ise “qırımtatar halqı içün divarlarnıñ yaratılması” olaraq tanıdı. Öz saifesinden videonı sildi.