İşğalciler Canköy rayonındaki evlerni tinttiler

19 Dekabr 2022

Dekabr ayınıñ 19-ında saba maalinde Qırımdaki Canköy rayonınıñ Medvedivka köyünde quvetçiler, qırımtatarlarnıñ üç evini tinttiler, dep “Qırım birdemligi” içtimaiy birleşmesi haber berdi.

Faalcilerniñ bildirmelerine köre, Ahayevler (Ernest, Marlen ve Amet) üç qan ağasınıñ evlerini tinttiler. Şu anda belli ki, Ernest ve Marlen Ahayevlerni tututılar, rus quvetçileri Ametni tutmadılar.

Tintüvlerniñ sebepleri belli olmay, şu anda rus quvetçileriniñ resmiy bildirmeleri de yoq.

Keçenlerde dekabr ayınıñ 15-inde Qırımdaki Canköy rayonınıñ Medvedivka köyünde qırımtatar Mustafa Murahasnı tinttiler – rus quvetçileri “yasaqlanğan eşyalar”nı qıdıra ediler. “Qırım birdemligi” içtimaiy birleşmesiniñ bildirmelerine köre, neticesinde iç bir şey tapılmadı ve alınmadı.