İşğalciler, Bağçasaraydan altı faalcini ekim ayına qadar tevqif astında tutacaqlar

12 Sentâbr 2023

Qırımn Yuqarı makemesi “Qırım birdemligi”niñ Bağçasaraydan altı faalciniñ apisten azat etilmesinen bağlı şikâyetini red etti. 2023 senesi ekim aınıñ 23-üne qadar Seydamet Mustafayev, Eldar Yakubov, Abdulmecit Seitumerov, Ruslan Asanov, Amethan Umerov ve Remzi Nimetulayev SİZOda qalacaqlar. Qırım.Aqiqat bu aqqında haber berdi.

Advokatlar tüşüneler ki, rus taqiqatçılığı, qırımtatarlarnı terrorcılıq faaliyetinde sebepsiz qabaatlay.

Arman ayınıñ 24-ünde Qırımnıñ Bağçasaray şeeri ve Bağçasaray rayonında rus quvetçileri Ruslan Asanov, Seydamet Mustafayev, Remzi Nimetulayev, Abdulmecit Seitumerov, Amethan Umerov ve Eldar Yakubovnıñ evlerini tinttiler. Bundan soñ olarnı Aqmescitteki RF FSB binasına ketirdiler. Arman ayınıñ 25-inde rusiye makemesi, tutulğan adamlarnı eki ayğa SİZOğa oturttı.