İşğalciler Abdureşit Cepparğa qarşı daa eki memuriy davanı açtılar

24 Mayıs 2023

Vaqtınca işğal etilgen Qırımda rus quvetçileri, uquq qorçalayıcı Abdureşit Cepparğa qarşı memuriy bozmalar aqqında daa eki yañı dava açtılar.

Yarımadadaki menbalarnı ZMINA basımı haberdar etti.

Eki memuriy dava, işğal quvetçileriniñ Ceppar bulunmadan yazğanları sahte protokollardan ibarettir: rus ordusını itibardan tüşürüv ve malümat serbestligi suistimalı maddelerine mücibi.

Davalarğa köre, uquq qorçalayıcı Qırımda halqara gumanitar uquqnıñ bozmalarını ve yarımadanıñ toprağında insan aqlarınıñ bozmaları aqqında malümat yayınlağan “Qırım ğayesi” teşebbüsiniñ saifesini sanki idare ete. 

Ceppar özü qabaatını red ete. Onıñ sözlerine köre, bu uquq qorçalayıcı teşebbüsniñ başlanğıç basamağında başında turğanına baqmadan uzun zamandır oña ait olmay ve Qırım Ğayesiniñ saifesini idare etmey. Qaya etmek kerek ki, soñ sene olğan onıñ eki memuriy tevqifi vaqtında bu saife er vaqıt yañartıla edi.