İşğal makemesi faalci İrına Danılovıçnıñ şikâyet arizasını başqa künge qoydı

16 Iyün 2023

kremlniñ kontrol etkeni Qırım Yuqarı makemesi, içtimaiy jurnalist İrına Danılovıçnıñ ükümine şikâyet arizasınıñ baqılmasını çetke qoydı. Qadınnıñ oturışta iştirak etkeni vastasınen video alâqasınıñ yaramay keyfiyeti, bunıñ sebebi oldı. “Qırım ceryanı” bu aqqında haber berdi.

– İrına Danılovıçnı oturışqa ketirmediler, o video konferentsiyası vastasınen iştirak etti. Onıñ bir şey eşitmegeni sebebinden “makeme” oturışnı başqa künge qoymağa ve kelecek oturışqa onı ketirmege qarar berdiler, – dep bildirildi.

Bundan ğayrı qayd etildi ki, makeme, Danılovıçnıñ qanaatlendirmeyici sağlıq alı sebebinden sıñırlama tedbiriniñ ev apsine deñiştirilmesi ricasını red etti.

RF TFH İrına Danılovıçnı tibbiy inelernen patlayıcı aletni yapmaqta qabaatladı.

Neticesined Qırımda rus makemesi, içtimaiy jurnalistni yedi senege maküm etti.