İşğal makemesi, bozmalarnı yoq etmek içün İrına Danılovıçnıñ davasını qaytardı

02 Mayıs 2023

rusiyeniñ kontrol etkeni Qırımnıñ Yuqarı makemesi, makemeniñ birinci seviyesine içtimaiy jurnalist İrına Danılovıçnıñ davasını qaytardı. Sebebi – maznun, davanıñ bilgilerinen soñuna qadar tanışmadı. Qırım.Aqiqat bu aqqında haber berdi.

Oturış açıq rejimde keçirildi, Danılovıçnıñ yaramay alına baqmadan onıñ ceryanda şahsen iştirak etmesi içün onı ketirdiler.

– Makeme tek buna diqqat etti: sağlıklı vaziyeti sebebinden dava oturışlarınıñ protokollarınen soñunaqadar tanışamadı. Bunıñ içün maznunnıñ davanıñ bilgilerinen tanışuv ceryanını bitirmesi içün eyyet davanı makemeniñ birinci seviyesine qaytarmağa qarar berdi, – bildirildi.

İşğalciler Danılovıçnı patlayıcı malzemelernen ya da patlayıcı aletlernen qanunsız areketler (rf CQniñ 222.1. maddesiniñ 1. qısmı) yapmasına qabaatlaylar. Haber berildi ki, rusiye TFH İrına Danılovıçnı tibbiy inelernen patlayıcı aletni yapmağa qabaatladı.
Keçenlerde Qırımda rus makemesi, içtimaiy jurnalist ve emşire İrına Danılovıçnı yedi senege maküm etti.