İşğal makemesi Abdulreşit Cepparnıñ tevqifini tanıdı

03 Mayıs 2023

Vaqtınca işğal etilgen Qırımda qanunsız “yuqarı makeme”, uquq qorçalayıcı Abdulreşit Cepparnıñ tevqif aqqında qararını tanıdı.

“Makeme”niñ odasından “Qırım ceryanı” bu aqqında haber berdi.

İşğal makemecisi davanıñ oturışına uquq qorçalayıcınıñ apayı Miyara Abdurayimovanı yibermedi.

Abdureşit Cepparnı da oturışqa ketirmediler. Qorçalayıcı taraf onıñ iştirak etmesini talap ete edi, amma işğalciler aksine qarar berdiler – oturışta onıñ iştiraki kerekmey. Bundan ğayrı, qorçalayıcılarğa şaatnı çağırıp soramağa rede ettiler.

Çiçek ayınıñ 25-inde işğalciler, Abdureşit Cepparnıñ evini tintken soñ TFHniñ qanunsız idaresine onı ketirdiler. Bundan soñ faalciniñ, politsiyacılarnıñ emirlerini riayet etmegeni içün oña qarşı protkol yazdılar. Aynı kün işğal makemesi onı qaabtlı olaraq tanıdı ve 12 künlik memuriy tevqifke maküm etti.