İşğal etilgen Qırımdaki keyifler aqqında Ahtem Çıygöz: İşdeşlikçiler kerçekten yayrağa alında

09 Sentâbr 2022

Fotoresim: argumentua.com

Qırımdaki ‘pamuqlar’ (patlamalar) sebebinden yarımadanıñ sakinleriniñ alı biraz deñişti – işğal astında yaşağan sakinler topraqlarnıñ çabik azat etilmesine ümüt eteler, rus taraflı insanlar ise özlerini büyük telükede duyalar. Qırımtatar Milliy Meclisiniñ başınıñ muavini Ahtem Çıygöz ‘Apostrof’qa bunı añlattı.

Onıñ sözlerine köre, şimdi işğal etilgen Qırımdaki Ukraina vatandaşları aralarında USQniñ ya arbiy operatsiyamı, ya siyasiymi, ya da başqamı bir şekilde yarımadanı azat etecegine bağlı munaqaşalar keçirile.

Aynı zamanda işdeşlikçiler, işğalciler ve Rusiyege riayetkâr olğan kergin tarzdalardır.

– İşdeşlikçiler kerçekten yayrağa alındalardır – olar, aileleri Ukrainanıñ kontrolındaki topraqlarda yaşağan kişilerni qorqutalar. İşdeşlikçiler, qaçacaq iç bir yeri olmağanını añlaylar. İşğalciler ise tamamınen çalışmalarını talap eteler, – dep Çıngöz qayd etti.

İşğal astındaki sakinler, Herson vilâyetinde olğan şeylerden ilham aldılar ve USQniñ Qırımnı mıtlaqa azat etecegine inanalar.

– Ve 2014 senesine Qırımnıñ cenübiy yalısınıñ sakinleri Rusiyege passiv ve riayetkâr olğan olsa da, şimdi vaziyet deñişti. Çünki insanlar Qırımnıñ rus işğaliniñ degirmen taşına tüştiler. Çünki 25 sene serbest bir ülkede serbest insanlar olaraq yaşağanlarından soñ işğalcilerniñ olarnı deñiştirgenleri mal olğanlarında farqlılıqnı añladılar. Bunıñ içün Qırımda irade ve serbestlikni keri qaytarmaq – Ukrainanıñ esas vazifesidir, – dep Qırımtatar Milliy Meclisiniñ başınıñ muavini bildirdi.

Daa o qoştı ki, işğalden soñ Qırımğa kelgen ruslar şu anda Qırımdan qaçalar, ruslarnıñ Qırımdan Herson vilâyetine ketirmege tırışqanları ordularnıñ ruhu tüşti. RF askerleri ayatlarından endişe eteler.