İşğal etilgen Qırımda rus ordusına küz mobilizatsiyası bozuldı

31 Mart 2023

Qırımda küz (2022 senesi boş ay – ilk qış ayı) mobilizatsiya normasını eda etmediler. Sebeplerinden biri – “qırımtatar milletli vatandaşlarnı mobilizatsiya tedbirleriniñ sabotajı”.

Qırım uquq qorçlayıcı gruppasınıñ saip olğanı vesiqalarğa köre, küz mobilizatsiya vaqtında rus ordusına Qırımnıñ 1932 sakini yollandı. Bundan ğayrı, kontratknen arbiy hızmetke 47 insan yolland. Bu, plannıñ 78,8%-idir.

Qırımnıñ eñ çoq sakini – 1020 adam – topraq ordusına yollandı.

Vesiqalarğa köre, 10 arbiy komissarlıq mobilizatsiya planını yerine ketirmedi. Misal içün, Bağçasaray rayonındaki arbiy komissarlıq planğa köre 130 kişiden tek 83, Yaltadaki arbiy komissarlıq 130 adamdan tek 62, Canköyde ve Canköy rayonında ise planlanğan 300 adamdan tek 188 kişi aldılar. (Aynı zamanda, Keriç, Krasnoperekopsk, Aqmescit ve Çernomorsk arbiy komissarlıqları plannı 100%-ge yerine ketirdiler).

Bozulğan mobilizatsiyanıñ sebepleri arasında:

• 1 ayğa mobilizatsiyanıñ müddetini eksiltüv;

• Qırımdan “vatandaşlarnıñ kütleviy qaçuvları”, bu da “olarnı tapamadılar, mobilizatsiya şadetnamesini beremediler”;

• arbiy komissarlıqlarda işçilerniñ kiçik sayısı ve kiçik aylıq;

• “qırımtatar halqınıñ vekilleri mobilizatsiya ceryanını boza ediler”.