İşğal etilgen Qırımda ağır hastalıqtan soñ Beyye oca İlyasova vefat etti

13 Sentâbr 2024

_{Crimean Tatarsnıñ fotosı}

Belli pedagog, qırımtatar milliy areketiniñ veteranı Beyye İlyasova 1940 senesi mart ayında Temirçi köyünde (Aluşta) doğdı. Dört yaşındaki qız anasınen ve bütün qırımtatar halqınen beraber Qırımdan zorbalıqnen sürgün etildi.

Sürgünlik yerlerinden Vatanı olğan Qırımğa qaytqan soñ, Beyye oca Qırım aliy oquv yurtlarında tarih derslerini berdi, Qurultay tarafından delegat olaraq saylandı.

1996-2001 seneleri Beyye oca Ukraina tamır halqınıñ temsil organı olğan Qırımtatar Milliy Meclisiniñ tasil bölüginiñ yolbaşçısı edi.

2001-2012 seneleri Beyye oca “Maarifçi” qırımtatar tasil hadimleri birleşmesiniñ teftiş eyyetiniñ reisi olaraq saylandı.

Beyye İlyasova qırımtatar milliy mektepleriniñ, sınıflarnıñ, bala bağçalarında milliy gruppalarnıñ açılmasında faal iştirak etti.

Beyye oca çoq sene devamında qırımtatar halqınıñ tarihı aqqında malümat toplap, tertip etti, onıñ esasında “Demircilerniñ körüşüvleri” (2005 s.) ve “Demircilerniñ tarihı” (2015 s.) kitaplarını yazdı.

Beyye oca İlyasovanıñ qorantası, yaqınları, dostları ve arqadaşlarına teren taziyelerimizni bildiremiz.

Allah rahmet eylesin!

Qırımtatar Milliy Meclisiniñ azaları, Qurultaynıñ meubusları.

2024 senesi berim ayınıñ 13-ü