Hayser Cemilov taqiqat işleri keçirilgen vaqıtta sentâbr 25-ke qadar közaltında qalacaq

25 Iyül 2013

Aqmescit şeeri Kiyev rayon mahkemesi 2013 senesi iyül 25 künü Milliy Meclis reisi Mustafa Cemilevniñ oğlu Hayserni daa 60 kün devamında köz altında tutmaq qararını aldı. Bu aqta onıñ advokatı Aleksandr Lesovoy bildirdi

Akemler, şimdilik Hayser Cemilevni közaltından boşatmaq içün delil yoqluğını qayd etip, obyektiv sebeplerge köre taqiqat öz işini belgilengen eki ay içinde bitirip olamaycağına diqqatnı celp etti. Olardan biri – qoşma psihiaitrik ekpertiza keçirmek zaruriyetidir.

Hayserniñ advokatı Aleksandra Lesovoy “qoşumca ekspertiza ne zaman keçirilecegi daa belgilenmedi, amma onı beklemek kerek. Közetüv taqiqat seçken yerde ötkerilecek. Ebet Qırımda degil, belki Harkov ya da Kiyevde olabilir. Em de teşkerüvni tez keçirecek mütehassıslar saylanır”, dedi. Evel Qırım cumhurmiyet psihiatrik hastahanesinde Hayserge diagnoz koyamadılar. Ekimler sorğucılarğa qoşumca ekpertiza keçirmekni tevsiye ettiler.

Mahkemede qabaatlayıcı bergen malümatqa köre Fevzi Edemov bazı neşirler esassız yazğanları kibi üç qurşundan degil de bir qurşundan elâk olğan.