Hatıra ve Vicdan Avropa platforması kommunizm üzerinden Nürnberg-2 teşkil etüv yolunda birinci adımnı attı

25 June 2013

Çehiyada totalitar rejimlerni ögrenüv boyunca institut şu teşkilâtnıñ 2012 senesi noyabr ayında Berlinde ötkerilgen konferentsiyasında qabul etilgen leyhanı amelge keçirdi.

Şvetsiya, Estoniya, Latviya, Litva, Poloniya, Almaniya, Avstriya, Niderland, Çehiya, Slovakiya, Macaristan, Sloveniya, Romıniya, Bulğaristan, Moldova, Ukraina kibi 16 devletniñ cesür küreşçilerniñ misalinde totalitar kommunist rejimine qarşı küreş aqqında ikâye etken “Hatıra borcu.

Avropada totalitarizm” kitabı neşir etildi. Kitapqa şu devletde meşur 30 şahısnıñ taqdiri ve totalitar rejimge qarşı küreşi aqqında malümatlar kirsetildi.

Qırımtatar halqınıñ milliy küreşi milliy areket iştirakçisi Ayşe Seytmuratovanıñ takdirinde kösterile. (272-279 s.) Şunı hatırlatmalı ki, Meclis 2012 senesinden itibaren Hatıra ve Vicdan Avropa platformasınıñ azasıdır.

“Hatıra borcu. Avropada totalitarizm” kitabı kirgen halqara leyha Avropa Birligi devletlerindeki mektepler içün qoşumca qullanma olur. Bunıñ kibi de leyha çerçivesinde XX asırda Avropa Birliginiñ 12 devletinde faşizm, natsizm i kommunizmniñ şiddetli cinayetleri aqqında sergi açıldı.

“Qara albom” kibi tüşünilgen mezkür sergige qanlı rejim qurbanlarınıñ, bu rejim devrinde yapılğan cinayetler içün cevapkâr şahıslarnıñ resimleri kirdi.
Hatıra ve Vicdan Avropa platforması çerçivesinde ve “Avropa vatandaşlar içün – “Avropa hatırası programması fondu komissiyasınıñ qoltutuvında leyha 2013 senesi iyün ayınıñ başında soñuna keldi. Kitap ingliz, fransız ve alman tillerinde çıqtı.