Menu 
Halqara forumğa taba daa bir adim
29 Mart 2011
2011 senesi iyün 28-de Brüsselde Avropa Keñeşinde “Qırımtatarlar ukrain cemiyetiniñ ayırılmaz bir parçasımı:” mevzusında olıp keçken tögerek masa subeti Halqara forumğa taba atılğan daa bir adım oldı.
Mezkür tedbir keçirilmesiniñ teşebbüsçisi Avropa parlamentiniñ deputatı, Temsil etilmegen halqlar teşkilâtı (TEHT) ve Qırımtatar halqınıñ Meclisinen birlikte iş alıp barğan Leonidas Donskistir.
Aşağıda biz bu tedbir aqqında TEHTniñ http://www.unpo.org/article/12728 saifesinde yerleştirilgen haberniñ tercimesini taqdim etemiz.
Brüssel, 2011 senesi iyün 29 – qırımtatar meselesi “yigirminci asırdan qalğan ağır asabalıq” – dep saya Avropa parlamentiniñ deputatı, professor Leonidas Donskis, 2011 senesi iyün 28-de Brüsselde Avropa Keñeşinde “Qırımtatarlar ukrain cemiyetiniñ ayırılmaz bir parçasımı:” mevzusında ötkerilgen tögerek masa subetiniñ açılışında yapqan çıqışında.
Alimler, devlet erbapları, grajdan cemiyetiniñ vekilleri qırımtatar halqınıñ Ukrainadaki vaziyetini eki saatten ziyade muzakere ettiler. Halqnıñ öz Vatanına qaytqanına yigirmi yıldan ziyade olğanına baqmadan o, alâ daa medeniy ve iqtisadiy inkişaf etüv imkânından mahrum, çekip alınğan mülküni qaytarmağa aqqı yoqtır.
TEHT Baş Kâtibi Marino Busdahin “qırımtatarlarnıñ meselesi mıtlaqa çezilmeli, bu meseleni defalarca kötergen, amma iç bir neticeni elde etmegen Ukraina ükümeti, Avropa Keñeşine ayıp”, dep qayd etti..
Munaqaşa devamında Qırım siyasiy dialogınıñ koordinatorı Nataliya Mirimanova siyasiy dialogda qırımtatar halqınıñ yeterli derecede temsil etilmegenini ayrıca kösterdi.
Avropa siyasiy tedqiqatlar merkeziniñ üyken ilmiy hadimi Maykl Emerson canlı subetniñ müimligini qayd eterek, vatandaşlar barışıqlığına telükeden medeniyetlerara nümüneviy munasebetlerge keçüvnen Qırım endi tanış olğanını ayttı.
Avropa tışqı areketler hızmetiniñ vekili Evelina Şülts “Ukrainada qırımtatarlarnıñ reabilitatsiyasına bücet sermiyaları ayırılır eken, Avropa Birligi de öz tarafından konkret müsbet areketlerni yapmağa, teşebbüslerniñ amelge keçirilmesine qoltutacaq”, dedi.
Tögerek masa subeti qırımtatarlarnıñ aq-uquqlarını ğayrıdan tiklenmesi oğrunda areketlerni devam ettirmek niyetinen yekünlendi.Ukraina Prezidenti Viktor Yanukoviçniñ 2011 senesi iyün 28-de Regional tillerni inkişav ettirilmesiniñ müimligini qayd etken Beyanatı Qırımtatar halqı aq-uquqlarını ğayrıdan tiklev boyunca Halqara forumnı keçirüv boyunca çalışqan TEHT ve diger iştirakçilerniñ maqsadlarına uyğun kele. Deputat, Professor Donskis “adaletni ğayrıdan tiklemek iç bir zaman keç degil” dedi.
Endrü Svon (EN) | +32 (0)472 577 518 | aswan@unpo.org
Abduraman Egiz , Qırımtatar halqı Meclisiniñ vekili (CRH, UKR, RU) +38 063 236 66 55 | abduraman.egiz@gmail.com
