«Gençlik» qırımtatar davulcılar taqımı dekabr 16 künü Kiyevde Yevromaydanda kontsert berecek

15 Dekabr 2013

Çoqtan-çoq festivaller ve halq icadı yarışlarınıñ ğalibi olğan”Gençlik” qırımtatar davulcılar taqımı Bağçasaray, Sudaq ve Aqmescit regionlarından Kiyevde Mustaqillik meydanındaki tınç aktsiyağa qoltutmağa ketken qırımtatarlarnen beraber dekabr 15 künü yolğa çıqtı. Bu aqta Meclis reisiniñ muavini, Bağçasaray regional meclisiniñ reisi Ahtem Çiygoz bildirdi.

Onıñ aytqanına köre Maydanda endi qırımtatarlarnıñ çadırı qoyuldı, dekabr 15 künü Kiyevde “Halq toplaşuvında” Meclis reisi Refat Çubarov çıqışta bulundı.

“Gençlik” ansambliniñ genç ve istidatlı çalğıcıları dekabr 15 künü Kiyevde Yevromaydan iştirakçilerini özleriniñ şeñ kontsertinen sevindirirler”, – dedi A.Çiygoz.