Gece maalinde uçucısız aletler Qırımğa ücüm ettiler

18 Iyün 2024

Bozarğan aynıñ 18. gecesi Qırımda ukrain uçucısız aletleri sebebinden tınçlıq bozuldı. Aqyar ve Aqmescitteki arbiy qısımlarda ava telükesi ilân etildi. Rusiye işğalcileri uçaqlarını uçurıp, Keriç köprüni qapattılar.

“Qırım yeli” Telegram kanalınıñ haber bergeni kibi, Aqmescit rayonında uçucısız alet, Aqyarnıñ Striletska körfezi rayonında ise patlamalar qayd etildi.

İşğalciler, Belbek uçaq limanından uçaqlarını uçurdılar, dep Telegraf haber berdi. Yerli sakinlerniñ sözlerine köre, deñiz dronı Aqyarnı “ziyaret etti. Bundan ğayrı, yerli kanallar yazdılar ki, Qara deñizde raketa tüşürildi.