Fevral ayından berli Qırımda yarım yüz siyasiy mabüs maküm etildi

13 Dekabr 2022

Qırımda siyasiy fikirlernen cinaiy taqiplerniñ şimdiki qurbanlarınıñ makümleriniñ tahminen 35%-i, tolu miqyaslı tecavuzdan soñ çıqarıldı. QırımSOSnıñ analitikacısı Yevhen Yaroşenko haber berdi.

– 2022 senesi fevral ayınıñ 24-ünden berli rus ve işğal makemeleri, Qırımda siyasiy fikirlernen cinaiy taqiplerniñ 45 qurbasına üküm çıqardılar. Bu, cinaiy taqiplerniñ şimdiki qurbanlarınıñ makümleriniñ tahminen 35%-idir, – dep Yevhen Yaroşenko ayttı.

Çoqusı allarda bu, Hizb ut-Tahrir islam siyasiy teşkilâtında ya da Noman Çelebicihan adına qırımtatar göñülli batalyonında sanki iştirak etmeleri içün maküm etilgen insanlardır. 

Ekisi de rusiyede ve işğal etilgen topraqlarda terror teşkilâtları olaraq tanındı. Hizb ut-Tahrir dünyanıñ çoqusı ülkelerinde, em de Ukrainada resmen faal ete. Noman Çelebicihan adına batalyon, göñülli bir teşkilât ola ve Ukrainanıñ toprağında yasaq etilmegendir. 

Vaqtınca işğal etilgen Qırımda siyasiy fikirlernen cinaiy taqiplerniñ şimdiki qurbanlarınıñ umumiu tevqif müddeti 1339 sene ve 2 aydır.