Estoniya qırımtatar halqınıñ genotsidini tanıdı

16 Oktâbr 2024

Estoniya parlamenti 1944 senesi mayıs 18-de qırımtatarlarnıñ kütleviy sürgünligini SSCB tarafından yapılğan genotsid olaraq tanıdı.

• Estoniya parlamentarlarına minnetdarlığımıznı bildiremiz, Ukrainanen alâqası olğanlarğa, hususan Ukraina Yuqarı Şurası, Ukraina Prezidentiniñ Qırım Muhtar Cumhuriyetindeki Temsilciligi, Qırımtatar Milliy Meclisi, Estoniya Cumhuriyetiniñ Riyğikoğu Beyannamesiniñ qabul etilmesinen yekünlengen umumiy iş içün teşekkür bildiremiz, – dep Qırımtatar Milliy Meclisiniñ reisi Refat Çubarov bildirdi.

Riyğikogu beyanatında 1944 senesi mart ayında totalitar sovet rejimi tarafından planlaştırılğan ve kerçekleştirilgen qırımtatarlarnıñ yoq etilüvi ve olarnıñ tuvğan Qırım yarımadasından Orta Asiyağa kütleviy sürgünligi sert bir şekilde takbih etile.

Beyanatta qayd etile ki, Rusiye Federatsiyası 2014 senesi işğal etilgen Qırımda qırımtatarlarnıñ tarihiy ve medeniy mirasını yoq etmek maqsadınen Şura Birliginde qullanılğan genotsid siyasetini devam ete.

• Meclis qırımtatar halqına qarşı genotsid siyaseti devam etkenini takbih ete, bu siyasetni muntazam tutuvlar, işkence, insanlarnıñ hırsızlanması ve ana tilini ögrenüv ve qullanuv yasağı ile amelge keçire. Bundan da ğayrı, Reykogo halqara toplulıqnı qırımtatarlar ile birdemlikni köstermege ve Rusiye Federatsiyası tarafından Qırımnıñ işğali ve ilhağını takbih etmege çağırdı”, – dep beyanatta bildirildi.