Eski Qırımda işğalciler tintüv keçirdiler

30 Mayıs 2023

Eski Qırımda saat 7de qırımtatar Ridvan Rustemovnıñ evini tinttiler. “Qırım birdemligi” bu aqqında haber berdi.

– Bugün politsiya bizni ziyaret etti. Maska taqıp, avtomatlarnen. Bizni balalarımnen, aqayımnen qaba şekilde soqaqqa, merdiven meydançığına quvıp çıqardılar. İç bir sebebi aytmayıp, iç bir vesiqa köstermeyip, azbar etrafın tintmege başladılar. Garaj ve mağazğa kettiler. Neticesinde iç bir şey añlatmayıp, aytmayıp, ayaqımnı alıp, belli olmağan yönelişke ketirdiler, – dep tintüvden soñ adamnıñ ayapı Alime Rustemova añlattı.

Saat 13te belli oldı ki, qırımtatar azat etildi. Şu anda tafsilâtları belinmez.