Ekim, İrına Danılovıçnıñ eşitüv qabiliyetini coyuv ihtimalini tasdıqladı

11 Aprel 2023

Tibbiy teşekür neticesinde ekim tasdıqladı ki, içtimaiy jurnalist İrına Danılovıç, tibbiy yardım oña vaqtında berilmegeninden sebep eşitüv qabiliyetini coya bilir. QırımSOSnıñ analitikacısı Yevheniy Yaroşneko bu aqqında haber berdi.

– QırımSOS ögrendi ki, keçenlerde İrına Danılovıç, qısqa tibbiy teşkerüv ala bildi. Evelden ekim, eşitüv meselelerini ve ilâve teşkerüvlerni keçirmek kerekligini tasdıqladı. Tibbiy yardım oña vaqtında berilmegeninden sebep İrına Danılovıçnıñ eşitüv qabiliyetini coya bilmesi 50 faizdir, – dep uquq qorçalayıcı teşkilât bildirdi.

SİZOnıñ teşebbüsinen kelecek teşkerüvler keçirecekler. Epis etilgen qadınnıñ babası Bronislav Danılovıç añlattı ki, “makemeci” Nataliya Kulınska teşkerüvni sozğaladı. Aynı zamanda rusiyeniñ kontrol etkeni Kefe şeer makemesi, İrına Danılovıçnıñ cinaiy davasında “makeme”niñ oturışlarınıñ protokollarına irişimini ve olarğa şikâyetnameni azırlamaq imkânını sıñırladı. 

2023 senesi saban ayınıñ 21-inde işğalcilerniñ epis etkeni içtimaiy jurnalist İrına Danılovıç, “teşekürvge ya da ölümine qadar” quru açlıq çekmege qarar berdi. Çiçek ayınıñ 6-sında belli oldı ki, tibbiy teşkerüv keçmek içün o açlıq çekmege bitirdi.