Devlet mülkiyet fondunıñ başı Umerov ilk şahsiyetleştirici bir mezatnı anons etti

16 Sentâbr 2022

Kelecek afta fevral ayınıñ 24-ünden ilk şahsiyetleştirici bir mezat keçirilecektir.

Ukraina develt mülkiyet fondunıñ başı Rustem Umerov bunı bildirdi, dep QIRIM.News haberdar ete.

Onıñ sözlerine köre bu, dünyağa açıq aydın bir beyanat – ukrain biznesi çalışa ve devletten oña kerekli aktivlerni satın almaq imkânı bar.

– Birinciden, ötmek mahsulatı kombinatları ve spirt zavodları satılacaqtır. Bu obyektler – yatırımcılar içün kârlı ola bilirler. Böylece biz kiçik ve orta bizneske çalışmağa ve yañı iş yerlerini yaratmağa yardım etemiz, – dep Umerov qayd etti.

Umerov qoştı ki, şahsiyetleştirici mezatlar er afta olacaq.

– Bizim vazifemiz – ordumız ve ğalebemiz içün para qazanmaqtır, – dep bildirdi.

Aynı zamanda Devlet mülkiyet fondu, devlet aktivleriniñ esasında Biznesniñ milliy çempionlarını yaratmaq içün azırlmağa başladı.