Demiryolnıñ patlaması sebebinden işğalciler qırımtatarlarnıñ evlerini tintmege devam eteler

09 Mart 2023

Vaqtınca işğal etilgen Qırımda rus terrorcıları qırımtatarlarğa qarşı repressiya yapmağa devam eteler. 

“Qırım ğayesi” ve “Qırım birdemligi” içtimaiy birleşmeleri bu malümat bildirdiler. 

Bağçasarayda rus işğalcileri, Qırımtatar Qurultayınıñ vekiliniñ 59 yaşındaki ağasınıñ evini tinttiler.

Belli oldı ki, bir qaç sene evel yarımadadan çıqqan Asan Abduramanovnıñ apayı ve balaları bu evde yaşaylar. 

Bildirildi ki, sabanıñ 5. saatinden başlap Krasnohvardeyskoye qasabasında qırımtatar Memet Aşurovnıñ evi tintile. Bir buçuq saat devam etken aqiqat areketlerinden soñ işğalciler, adamnı Aqmescitke ketirdiler.

Quvetçiler, TFHniñ binasına advokat Edem Semedlâyevni yol bermeyler. Taqiqatçı aqrabalarına yazdı ki, Bağçasaray rayonındaki Poçtovoede demiryolnıñ patlamasınen bağlı malümatnı teşkermek içün adam tutuldı.