Demiryolda “diversiya” sebebinden 14 qırımtatar rus işğalcileriniñ qurbanı oldı

23 Iyün 2023

Demiryolda diversiyada “qabaatlı” insanlarnı tapmağa ıntılğanda 2023 senesi kiçik aydan berli Qırımnıñ eñ az 14 sakini, işğal quvet müessiseleriniñ qanunsız areketleriniñ qurbanı oldı. Faqat qabaatlı insanlar alâ daa tapılmadı, dep “QırımSOS”nıñ uquq qorçalayıcıları haber berdiler.

Bu vaqıt devamında işğalciler 11 evni tinttiler ve 10 insannı tuttılar. Tutuvlardan biriniñ zornen ğayıp oluv alâmetleri bar. Quvteçilerniñ bütün bu qanunsı arekerleri, tamam qırımtatarlarğa qarşı yönelgendir.

Tek 2023 senesi saban ayında işğalciler, qırımtatarlarnıñ 8 evini qanunsız olaraq tinttiler. Adetince saba maalinde işğalciler kelirler ve qaba şekilde taqiqat areketlerini yaparlar. Bazı da tintüvlerden soñ tutulğan insanlarnı Aqmescitteki TFHniñ idaresi binasına ketire ediler.

Qırımda 150 siyasiy maqsatlı taqipten 110-u qırımtatarlardır.