Halqara Qırım platformasınıñ Dörtünci Parlament sammiti Stokholmda başlana

23.11.2025

Boş aynıñ 23-nde Stokholmda Halqara Qırım platformasınıñ Dörtünci Parlament sammiti başlana. Ukrayina Yuqarı Şurasınıñ spikeri Ruslan Stefançuk ve Riksdag reisi Andreas Norlen milliy parlamentlerniñ ve parlamentlerara teşkilâtlarnıñ reislerini qabul etecekler. Sammit boş aynıñ 23-24 künleri keçirilecek ve Qırım mevzusı etrafında tahminen 50 devlet ve halqara müessiselerniñ temsilcilerini birleştirecek.

Sammit işinde iştirak etmek içün Stokholmğa Qırımtatar Milliy Meclisiniñ eyyeti keldi:

• Meclis reisi Refat Çubarov,
• Ukrayina halq mebusı Ahtem Çiygöz,
• Meclis azaları Riza Şevkiyev, Eskender Bariiev, Gayana Yüksel, Abmedcit Süleymanov.

Bu sene sammitniñ kün tertibinde – Ukrayinağa halqara qol tutuvnıñ daa da quvetleştirilmesi, Qırım işğalini tanımamaq siyaseti ve RF istilâsını toqtatmaq içün basqı quvetleştirilmesi.

Tedbirde iştirakçiler aşağıdaki mevzularnı muzekere etecekler:

• rusiyenşñ Qırım işğali aqibetleri,
• yarımadada insan aqlarınıñ vaziyeti,
• RFa qarşı sanktsiyalarnı quvetleştirüv,
• halqara havfsızlıq meseleleri,
• rusiye istilâsınıñ iqtisadiy ve ekologik aqibetleri.

Sammit Ukrayinağa qoltutuv global koalitsiyasını pekitmek ve işğal altında bulunğan qırımtatar halqınıñ ve bütün Ukrayina vatandaşlarınıñ vaziyetine daa çoq diqqat celp etmek maqsadınen teşkil etildi.имськотатарського народу і всіх громадян України, які перебувають під окупацією.