Cengiz Dağcınıñ cenaze merasimi aqqında

27 Sentâbr 2011

Qırımtatar halqı Meclisiniñ reisi Mustafa Cemilevniñ qararı ile meşur qırımtatar yazıcısı Cengiz Dağcınıñ defn merasimini teşkil etüv boyunca Komissiya meydanğa ketirildi. C. Dağcı sentâbr 22 künü Londrada vefat etti.

Sentâbr 26 künü Komissiyanıñ birinci toplaşuvı ötkerilip, onda yazıcınıñ Aqmescit civarında yaşağan doğmuş qardaşı Ayşe hanım da iştirak etti.

Meclis reisi Mustafa Cemilev Cengiz Dağcınıñ yaqınları – Londrada yaşağan qızı Arzı ve qardaşı Ayşe hanımnıñ Mecliske muracaatları aqqında Komissiya azalarına malümat berdi.

Cengiz Dağcınıñ vasiyeti ve aqrabalarınıñ ricalarını köz ögüne alaraq Komissiya defn merasimini azırlav ve keçirüv boyunca tedbirler planını muzakere etip, onıñ edası içün mesülietlilerni tayinledi.

Cengiz Dağcı 2011 senesi oktâbr 2 künü defn etilecek.

Cenaze merasimi Aqmescitteki Kebir Camide otokerilip, soñra Qızıltaş köyündeki musulman mezarlığına alıp ketilecek ve merhum anda kömülecek.
Cengiz Dağcınıñ cenaze merasimine Türkiyeniñ vazifedar insanları, halqara teşkilâtlarnıñ vekilleri, çeşit memleketlerdeki icadiy birliklerniñ azalarınıñ kelmesi beklenile