Çehiyada Türkiye elçiliginde aqşam yemegi

12 Oktâbr 2011

Oktâbr 11 künü aqşam Türkiyeniñ Çehiyadaki Vefqulade ve Tolu vekâletli elçisi Cihan Erginay ve refiqasınıñ şahsiy daveti ile Meclis reisi Mustafa Cemilev Türkiye elçisi onıñ Çehiyağa ziyareti munasebetinen bergen aqşam yemeginde iştirak etti. Yemek Türkiye elçiliginde oldı.
Meclis reisinen beraber aqşam yemeginde onıñ yardımcıları Rustem Ümerov ve Liliya Müslimova da bulundılar.

Nufuzlı musafirler arasında Yaponiyanıñ Çehiyadaki diplomatı Toşio Künitaka ve refiqası, Gollandiyanıñ Çehiyadaki elçisi cenap Henneman rfiqasınen, Tışqı işler nazirligi protokol hızmetiniñ başı Tomaş Perniçki, çeh-türk iş birliginiñ baş kâtibi Vladimir Müsilek, Türkiyeniñ Çehiyadaki elçihanesinde çalıgşqan hadimler, Türkiye iş daireleriniñ vekilleri, “Svoboda” radiosınıñ icra direktorı Cüliya Ragona da bar edi.

Musafirler muzakere etken meseleler sırasında Ukraina ve Qırımdaki vaziyet ve oktâbr 11 künü ukrain siyasetçisi Yuliya Timoşenkonıñ işi boyunca Kiyev Peçerskiy mahkemesiniñ ükümi ayrıca qayd etildi