Çehiya Cumhuriyetinde Mustafa Cemilev “Devlet ögünde hızmetleti içün” medalinen taqdirlendi

30 Oktâbr 2024

Prağa şeerinde Çehiya Cumhuriyetiniñ prezidenti Petr Pavel qırımtatar halqınıñ lideri, Ukraina halq mebusı Mustafa Cemilevni “Devlet ve vatandaş havfsızlığı saasında devlet ögündeki hızmetleri içün” I derece medalinen taqdirledi.

Mustafa Cemilevniñ Facebook saifesinde bu aqqında haber etildi.

“Çehiya Cumhuriyetiniñ prezidenti Petr Pavel Prağa şeerinde Mustafa Cemilevge Çehiya Cumhuriyetiniñ eñ yüksek devlet mukâfatlarından biri olğan “Devlet ve vatandaş havfsızlığı saasında devlet ögünde hızmetleri içün” medalini berdi”, – dep bildirildi.