Menu 
Bugün Qırım ve Ukrainanıñ bütün mekteplerinde soñki çan yañğırıdı
27 Dekabr 2011
Mayıs 27 künü soñki çañ Qırımdaki qırımtatar milliy mekteplerinde de yañğıradı, şu munasebetnen ananeviy tantanalı cedveller ve bayram tedbirleri ötkerildi.
Milliy sınıflarnı bu sene 110 talebe bitirdi. Şübesiz ki, talebelik deviri er bir insannıñ ömürinde silinmez iz qaldıra, bizim milliy mekteplerimizniñ mezunları içün mektepnen sağlıqlaşuv alelhusus tesirli bayramğa çevirile. Tuvğan mekteplerinde milliy ananeler ruhunda terbiye alaraq, olar rus mekteplerinde oquğan öz aqranlarından keriden qalmayıp ilim-fenlerniñ temelini menimsediler ve bunıñnen birlikte başqa tillerni de ögrendiler.
Şunı da qayd etmeli ki, soñki mektep cedveline tizilgen mezunlar ananeviy mektep kiyiminde olğanları, omuzlarında ise üstünde “Mezun” yazısınen milliy tamğamız basılğan milliy bayrağımız tüsündeki şeritler asılğanı bayramğa ğayet köterinki milliy ruh bağışladı.
Milliy Meclis, devlet ve cemaat strukturalarınıñ vekilleri, deputatlar ve “Ana tili oğrunda küreş” Programması teşkiliy komitetiniñ azaları qırımtatar mektepleriniñ episinde bulunıp, oca ve talebelerni oquv yılı bitkeni munasebetinen hayırladılar ve mezunlarğa oğurlı yollar tilediler.
