Bu seneden berli Qırımda eñ az 100 “riayetkâr olmağan” sakinini tuttılar

21 Avgust 2023

Vaqtınca işğal etilgen Qırımda rusiye, “qarşı diversiya” tedbirlerini – yani yerli ealige qarşı repressiyalarnı pekite. Milliy qarşılıq merkezi bu aqqında haber berdi.

“İşğal akimiyeti, yerli ealiniñ tecavuzcılarğa “riayetkârsızlıq” seviyesiniñ artmasını qayd ete. Bunıñ içün işğalciler, politsiyacılarnıñ sayısını arttıralar. Olarnıñ vazifesi ise ukrain gizliligini qıdırmaqtır. Bu seneden berli yarımadada duşman, eñ az 100 sakinini tutıp, “riayetkâr olmağan” olaraq qabaatlay”, – dep MQM bildirdi.

Duşman, yarımadanıñ malümat boşluğında Putin aqqında tenqit ya da böyle degen “Mahsus cenk operatsiyası”nıñ vazifelerine qarşı olğan malümatnıñ tarqatılmamasına çoq diqqat ayıra.Bundan ğayrı, yarımadada işğal rejiminiñ tenqitiniñ artmasını toqtatmaq içün “gauleiterler, qomşularına şikâyet arizalarını yazacaq hainlerni rağbetlendirüv seviyesini arttırmağa ve itibardan tüşürüv malümatınıñ tarqatılması içün mesüliyetni pekitmege planlaştıralar”.