Kıyivdeki Hatıra abidesi yanında yüzlernen çıraq yaqıldı

19.05.2025

Qırımtatar halqınıñ genotsid fedalarınıñ hatırasını añmaq içün Kıyivdeki Hatıra abidesi yanında yüzlernen çıraq yaqıldı, olarnı Qırım yarımadası, qırımtatar milliy tamğası ve Ukrayina devlet tamğası şeklinde qoydılar.

Meclis reisiniñ birinci muavini Nariman Celâlnıñ ömür arqadaşı, Türkiyedeki Ukrayina elçisi Leviza Celâl, çıraqlarnı yaqqan soñ, eñ genç qırımtatar siyasiy mabüsi Appaz Kurtametniñ şiirini oqudı ve bu şiirniñ ağrı ve azapnen tolu olmağanını qayd etti – o, Rusiye esirliginde yaşağan er kesniñ imanı ve ümüdi aqqında.

«…Ми знаємо: ще трішки – і настане

Час справедливості, час правди та спасіння.

Нас кличе земля та чекають скелі,

І Чорне море блакитнішим стане,

І хвилі стихнуть – лагідні, мов мати,

Що сина дочекалася до хати.

І, може, назовемо море словом

не «Чорним», а «Блакитним» – по любові.

І більше вже не буде чорних дат

У долі нашого народу.

І щастя повернеться, і світла благодать,

і радість знову буде – Іншаллах!

Я це відчуваю і вірю в це я щиро!

Всевишній могутній! Єдина опора!

Моліться за Крим близькі і далекі,

Хто Крим має в серці, і волю, і Бога»

Appaznıñ şiiri oqulğan soñ Meclis reisi Refat Çubarov sözge çıqtı ve Vladimir merkeziniñ divarlarında yazılğan bu satırlarnı eşitken soñ, ana-babalarımız ve qartbabalarımıznıñ taqdirlerinen Vatanından uzaq olmağa mecbur olğan şimdiki nesilniñ yaşayışları arasında bir teñeştirüv keçirgenini ayttı:

“Balalıqta Qırımdan sürgün etilgen bu nesil içün on yıllar devamında ayatnıñ tek bir maqsadı – Qırım – bar edi. Ve başqa bir şey yoq edi. Olar bizni, biz de balalarnı Qırımnı sevmege terbiye ettiler. Ve Qırımda yaşamaq istegi insanlarğa öz isteklerini yerine ketirmek ve Qırımğa qaytmaq içün birleşmege imkân bere edi. Biz de Qırımğa, Rusiye işğali şaraitinde yaşağan halqımızğa qaytmaq kerekmiz. İrade ve birlik – ve biz, kerçekten de, ana-babamız kibi qaytıp kelirmiz”.

Nariman Celâl qayd etti ki, tarihiy hatıra tek keçmiş aqqında degil, o şimdiki ve kelecek aqqındadır:

“Bugün bizler mında tek qırımtatar halqınıñ 81 yıl evelsi fedalarınıñ hatırasını añmaq içün degil, aynı zamanda bu yamanlıqqa bugün yapqan fedalarımıznı hatırlamaq içün de toplaştıq. İnsanlıq buña yol bergeninden sebep, bu, bir daa bu kibi bir şey olmasın dep, elimizden kelgenini yapmaq kerekmiz, dep hatırlata. Bu çıraqlar işğalde, apishanelerde, çuqurlarda bulunğan insanlarnen paylaşmaq istegenimiz ışıqnı, sıcaqlıqnı temsil etsin”.