Belli qırımtatar eykeltıraş İlmiy Ametov vefat etti

16 Avgust 2011

Tünevin devamlı hastalıqtan soñ istidatlı eykeltıraş, Qırımtatar halqı milliy areketiniñ faal İlmiy Ametov vefat etti.

Merhumnıñ avgust 16 künü Aqmescitteki Kebir camide qılınğan cenaze merasiminde Qırımtatar halqı Meclisiniñ reisi Mustafa Cemilev, Qırım musulmanlarınıñ müftisi haci Emirali Ablayev, Meclis azaları, Milliy areket veteranları, Qırım aikimiyet organlarınıñ hadimleri, cemaat ve siyasiy erbaplar, çoqtan-çoq aqrabaları, dost-eşleri ve tanışları bulundılar.

İlmiy Ametov Qırımda qoyulğan bir çoq abide, hatıra taşları, eykellerniñ müellifidir. Cümleden o, Sudaq rayonınıñ Qoz köyünde cenk qurbanlarınıñ hatırasına tiklengen yadikârlıq, Aqmeçit rayonınıñ Carılğaç köyünde sürgünlik qurbanlarına abide, Taraqtaş, Toqluq, Ayserez kibi köylerniñ tarihiy adları yazılğan direklerni yaptı.

İlmiy Ametov yasağan haç Aqmescitte Kiyev patriarhatı Ukrain pravoslav kilsesiniñ binasını yaraştırmaqta. Mimarnıñ eñ körümli eseri ise Taraqtaştaçar devirinde qatl etilip, şeit ketken ve halq folklorında yırlanğan Seit oğlu Seydametke qoyulğan abidedir. İlmiy Ametov dissident general Pötr Grigorenkonıñ Aqmescitte Sovetskaya meydanında qoyulğan abidesini işlevde de iştirak etti..

Qırımtatar halqınıñ Meclisi İlmiy Ametovnıñ ailesi ve aqrabalarına teren taziyesini bildirip, baş sağlığı tiley

Allah rahmet eylesin