Avstraliyanıñ belli siyasetçisi ukrain akimiyeti ve qırımtatarlar arasında eyi munasebet şekillenmesini zarur, dep saya

12 Oktâbr 2011

Avstraliyanıñ belli siyasetçisi ukrain akimiyeti ve qırımtatarlar arasında eyi munasebet şekillenmesini zarur, dep saya Meclisniñ reisi ve Avstraliya Tışqı işler naziri (1988-1996 g.g) Halqara forum köntseptsiyasını muzakere ettiler.

Pragada ötkerilgen “Forum 2000” Halqara konferentsiyasınıñ işi vaqtında oktâbr 11 künü Meclis yetekçisi Mustafa Cemilev Avstraliya Tışqı işler naziri (1988-1996gg) Garet Evans ile beraber Qırımtatar halqınıñ öz vatanında aq-uquqlarını tiklev, onıñ Ukrainada telükesizligi ve inkişafını teminlev boyunca halqara forumğa azırlıq ketişatını muzakere ettiler.

İnqirazlarnıñ ögüni aluv boyunca halqara gruppanıñ prezidenti, halqlarara munasebetler saasında mütehassıs G. Evans, qırımtatarlarnıñ vaziyeti ve Forum yönelişini muzakere eterek şunı ayrıca qayd etti ki, halqara teşkilât ve institutlar iştirakinde öyle bir forum keçirmek lâzim ki, angisinde ukrain akimiyeti ve qırımtatar halqınıñ yolbaşçıları arasında ameliy dialog şekillensin.

İşbu körüşüvde Meclis reisiniñ yardımcıları Rustem Ümerov ve Liliya Müslimova da bulundılar. Aynı şu künü Meclisniñ başı M.Cemilev Çehiyada neşir etilgen “Tyden” jurnalınıñ qırımtatar halqınıñ Qırım ve Ukrainadaki vaziyetine, bunıñ kibi de semetdeşlerimizniñ Vatanğa qaytuv meselelerine dair suallerine de cevap berdi.