Avropa Birligi, qırımtatarlarnıñ rf silâlı quvetlerine mobilizatsiyasını takbih etti

02 Noyabr 2022

Avropa Birligi, rusiyeniñ vaqtınca işğal etilgen Qırımnıñ topraqlarında keçrigeni qanunsız mobilizatsiyanı takbih etti. Ukrainadaki AB vekilliginiñ saytında bu aqqında haber berdi.

Bildirildi ki, mobilizatsiya emrini yerine ketirgende qırımtatarlarnı añlı ve aqsız tarzda nişan yapalar ve olarnı rfnıñ Ukrainağa qarşı cenkinde iştirak etmege mecbur eteler.

– Bugünki adım, rusiyeniñ halqara uquqnı daa bir bozmasıdır. Mahsus tarzda cevapkâr olğan BMTnıñ azası, BMTnıñ Telükesizlik şurasınıñ daimiy azası olaraq rusiye, şu cümleden qanunsız olaraq işağl etkeni ukrain topraqlarında, insan aqlarınıñ qorçalanmasını temin etmege mecburdır, – dep beyanatta qayd etildi.

ABde daa bir kere bildirdiler ki, rusiyeniñ Qırım Muhtar Cumhuriyetiniñ ve Aqyar şeeriniñ işğalini tanımaylar. Daa olar Ukrainanıñ Donetsk, Luhansk, Zaporijjâ ve Herson vilâyetleriniñ qanunsız işğalini takbih eteler.