ATR televizion kanalı künde 24 saat çalışacaq

06 Iyün 2011

2011 senesi iyün 6-dan itibaren ATR Qırım televizion kanalı gece-kündüz yayınlar berecek.

Birinci vaqıtta efirde televizion kanalnıñ arhivinden alınğan programmalar, ukrain prodakşn-studiyalarınıñ vesiqalı filmleri ve yayınları numayış etilecek.
Televizion kanal reberleriniñ bildirgenine köre, nevbetteki basqıçta ise öz küçlerinen qırımtatar, ukrain ve rus tillerinde azırlanğan yayınlar kösterilecek. Bundan da ğayrı, leyhalarğa köre sentâbr ayından ATR yayınlarını Qırım boylap seyir etmek imkânına malik olmaları beklenile. 

Malümat: ATR televizion kanalı – 2006 senesinden berli faaliyet köstergen mustaqil qırımtatar  telekanalıdır. Bugünge qadar künde 7 saat devamında çalışıp keldi.  Aqmescitte yerleşe. Yayınları Aqmescit, Saq, Kezlev, Canköy  şeerlerinde, Aqmescit, Saq, Aqşeyh, Canköy ve qısmen Bağçasaray rayonını qavrap ala. Telekompaniyanıñ faaliyeti qırım ve qırımtatar cemiyeti problemlerini, şu cümleden qırımtatar halqınıñ Vatanğa qaytması, yerleşmesi ve ukrain cemiyetine qatılması ile bağlı meselelerni aydınlatuvğa doğrultılğandır.

Meydan” radiosı ve ATR  televizion kanalı  Qırımda üç tilde –  qırımtatar, ukrain ve rus tillerinde yayınlağan yekâne kanaldır.
 

CrimeanTatars.org