Aslan Ömer Qırımlı: Operatsion meselelerni çezmek ve semereli faaliyet köstermek maqsadında idare iş adamları dairelerinen sıqı işbirlik quracaq

23 Dekabr 2013

2013 senesi dekabr 23 künü Meclisniñ Tışqı iqtisadiy alâqalar, yatırım ve milliy iqtisadiyat inkişafı boyunca idaresiniñ birinci toplaşuvı olıp keçti.

Toplaşuv devamında idareniñ teşkiliy qurumı ve faaliyetiniñ esas yönelişleri muzakere etildi.

Meclis qararı ile yolbaşçı olaraq tasdiqlanğan Meclis reisiniñ muavini Aslan Ömer Qırımlı reberligindeki idare erkânına Meclis azası Remzi İlyasov, Qurultay delegatı Server Abibullayev, Meclis azası Emine Avamileva ve Qırım Halqara Biznes Birleşmesiniñ icra direktorı Vilor Osmanov kirsetildiler.

“Operatsion meselelerni çezmek ve semereli faaliyet köstermek maqsadında idare  iş adamları dairelerinen sıqı işbirlik qurmağa tırışacaq, – dedi idareniñ başı Aslan Ömer Qırımlı.

Belgilengen maqsadlarnı kerçekleştirüv yolunda yapılğan ilk adım olaraq idareniñ işine Qırım Halqara Biznes Birleşmesini celp etmek qararı alındı.

İdare azalarınıñ bildirgenine köre  İdare ve Birleşme arasında strategik ortaqlıq aqqında añlaşma imzalandı.

İdareniñ nevbetteki tolplaşuvı 2013 senesi yanvar 23-te keçirilecek.