Aqmescitteki SİZOda işğalciler hırsızlanğan ukrain faalcisini tutalar

02 Iyün 2023

2022 senesi ekim ayında Aqyar şeerinde ruslar, Qırımdan cemaat faalcisi Yevhen Melnıçuknı hırsızladılar.

Şu anda işğalciler adamnı Aqmescitteki 2. SİZOda tutalar. O, Hola Prıstan şeeriniñ meri Oleksandr Babıç ve ispan göñüllisi Mario Kalatayudonen beraber bir kamerada buluna.

Malümat ögrengen menba bunı ZMINAğa añlattı.

Menbanıñ malümatına köre, apayı Yehvenniñ tutulmasını ögrendi. İşğal etilgen Qırımda faalciniñ ana-babası yaşaylar ve olar da onı qıdıralar.

Onıñ sözlerine köre, Yehven Aqyar şeerinde doğdı ve östi. Nahimov adına arbiy-deñiz akademiyasını bitirdi. Ruslar, ukrain qısımlarını bloklağanda adam Aqyar şeerine göñülli olaraq ketti ve bizim askerlerimize yardım ete edi. Aqyar şeerinde Yevhen eki kere hırsızlandı, amma o azat etildi. Ukrainanıñ qıtaviy toprağına qaytıp İrpin şeerinde yaşay edi, anda yerli akimiyetteki qabarcılıqqa qarşı küreşe edi. Ormanlarnıñ kesilmesi ve qanunsız qurucılıqqa qarşı çıqa edi. Onıñ içtiamiy nazar noqtası sebebinden çoq kere uruldı.

Yevhenniñ 6 balası bar, eñ kiçigi 2 yaşına yetmedi.